من غربتنا نتمنا بـــيــــتــــــــنا
أصل بيتنا مش اي بيــــــــت
دا بتنا مصر ام الدنــــــــــيـــــا
أغلى مكا ن فيه التربيــــــت
مصر مش نيل وأثار وفراعنه
مصر جو مانه لها الف معنى
اقولك ايه دانا محتـــــــــــــــــار
دي مصر روضة كل عمار
متفكرش غربتا سهله عليهـــا
النيل مايكفي دمع عنيها
غليا علينا وغليين عليها
طبعا أمنا روحنا فيها
اللي رمانا على الغربه
اللي ار منه ياسيدي
هي الحياه كده دايما صعبه
دا شي لابيدك ولا بيدي
أوعى تفكر وحدك فيها
دا مليون واحد في التربه
تربه غربه غربه تربه
لو مش فاهم ابسطالك
أل يامصري الغربه دي تربه
تاكل عمرك تكسر ضهرك تخلي شعرك يجيب اللوان
تندم وتحزن على الفرقه
وتقول آه ياشبابي اللي كان
متقلش مصر غربتنا
دي مصر هي سكنا وبيتنا
تروح وتيجي تطلع وتنزل
تدوس برجلك في كل منزل
لو في اوربا او في اليابان
أو كنت حتى في بلاد جيرتنا
تلاقيك غريب بين الأنام
تحلم بمصر وتقول بلادي
آه يادموع لو تعرفي
حر دموع المصرين
في الغربه نورهم ينطفي
وجراحهم ماتداويها سنين
صراخ قلوبهم وصل مسامع
بيقولو احنا خلاص راجعين
انا عن نفسي راجع
العمر انتهى والشيب مالو حصر
لو بقاية ساعه من عمري
نويت اعشها في بلادي مصر
كلمات الشاعر/ بخيت عبد الفتاح القناوي ,,,,,,,,,,,,,,,,,,,,,,,,,,,,,,,,,,,,,,,,
الأربعاء ديسمبر 31, 2008 4:54 am
